މާތް ނަބިއްޔާ ﷺ އަކީ ދިރިއުޅުމުގެ އެންމެހާ ކަންކަމެއްގައިވެސް އަޅުގަނޑުމެންނަށްވާ ރިވެތި ނަމޫނާއެކެވެ. ކެތްތެރިވެވަޑައިގަތުމުގައިވެސް އެކަލޭގެފާނު ވެވަޑައިގެންފައިވަނީ ނަމޫނާ ބޭކަލެއްކަމުގައެވެ.
ރަސޫލުﷲ ﷺ އަށް 3 ފިރިހެން ބޭފުޅުންނާއި 4 އަންހެން ބޭފުޅުން ލިބިވަޑައިގެންނެވިއެވެ. އެއީ:
- އަލްޤާސިމް
ރަސޫލުﷲ ﷺ ނަބީކަމައިގެން ފޮނުންވުމުގެ ކުރިން އެކަލޭގެފާނު އުފަންވެވަޑައިގެންނެވިއެވެ. ނަބިއްޔާ ﷺ ކުންޔާއެއްގެ ގޮތުގައި މިނަން އަބުލް ޤާސިމް މިފަދައިން ބޭނުންކުރެވުނެވެ. އަލްޤާސިމް އަވާހާރަވީ އުމުރުފުޅުން ދެއަހަރުފުޅުގައެވެ.
- ޢަބްދުﷲ
ރަސޫލުﷲ ﷺ ދަރިކަލުން ޢަބްދުﷲ އުފަންވެވަޑައިގަތީ ރަސޫލުﷲ ﷺ ނަބީކަމައިގެން ފޮނުއްވުނުފަހުންނެވެ. އަދި ހިޖްރައިގެ ކުރިން މައްކާގައި ވަރަށް ތުއްޕުޅުއިރު އަވަހާރަވެއްޖެއެވެ.
- އިބްރާހީމް
ފިރިހެން ބޭފުޅުންގެ ތެރެއިން އެންމެ ފަހުން ލިބިވަޑައިގެންނެވީ އިބްރާހީމްއެވެ. އެއީ ހިޖްރައިން 8 ވަނައަހަރެވެ.
- ޒައިނަބު ރަޟިޔަﷲ ޢަންހާ
ރަސޫލުﷲ ގެ އަންހެން ބޭފުޅުންގެ ތެރެއިން އެންމެ ދޮށީ ޒައިނަބުގެފާނެވެ.
Ahthahiyyaathugai in’gili ishaaraaiy kurun pic.twitter.com/y239yko8fl
— ilm.mv (@ilm_mv) December 29, 2022
- ރުޤައްޔާ ރަޟިޔަﷲ ޢަންހާ
އެކަމަނާ ޢުޘްމާނުގެފާނާއި ކައިވެނި ބައްލަވައިގެންނެވިއެވެ. އަދި އެކަމަނާވަނީ ދެ ހިޖްރަކުރައްވާފައެވެ. އަވަހާރަވީ ރަސޫލުﷲ ﷺ ބަދުރު ހަނގުރާމައަށް ނުކުމެވަޑައިގެން މަދީނާއިން ބޭރުގައި ވަނިކޮށް ހިޖްރައިން ދެވަނަ އަހަރެވެ.
- އުއްމު ކުލްޘޫމް ރަޟިޔަﷲ ޢަންޙާ
ރަސޫލުﷲ ﷺ ގެ ދަރިކަލުން ރުޤައްޔާ ރަޟިޔަﷲ ޢަންހާ އަވަހާރަވުމުން ދެން ޢުޘްމާނުގެފާނު ކައިވެނިބައްލަވައިގަތީ އުއްމު ކުލްޘޫމް ރަޟިޔަﷲ ޢަންހާ އާއެވެ. ޢުޘްމާނުގެފާނަށް ޛުއްނޫރައިނިގެ ލަޤަބު ލިބިވަޑަގެންނެވީ މިސަބަބަށްޓަކައެވެ.
- ފާޠިމާ ރަޟިޔަﷲ ޢަންހާ
ރަސޫލުﷲ ﷺ ގެ ދަރިދަރިކަލުންނާއި ދަރިދަރިކަނބަލުންގެ ތެރެއިން އެކަލޭގެފާނު އަވަހާރަވީއިރު ދުނިޔޭގައި ހުންނެވީ ހަމައެކަނި ފާޠިމަތުގެފާނެވެ. އެހެންނަމަވެސް ރަސޫލުﷲ ﷺ އަވަހާރަވުމަށްފަހު މާގިނަ ދުވަހެއްނުވެ އެކަމަނާވެސް އަވަހާރަވެއްޖެއެވެ.
ދުނިޔޭގައި ހުންނަވަނިކޮށް އެކަލޭގެފާނުގެ ގިނަ ބޭފުޅުންތަކެއް އަވަހާރަވުމަކީ ޔަޤީނުންވެސް އެކަލޭގެފާނުގެ ހިތްޕުޅަށް ވަރަށް އަސަރުކުރުވާނެކަމެކެވެ. އެކަލޭގެފާނުގެ ކެތްތެރިކަން ހިތައް ގެނެވޭތޯއެވެ. ﷺ
