ފަސޭހަކަމާއެކު ނަމާދު ކުރެވޭނެ އިންތިޒާމް ހަމަޖެހިފައިނެތް ތަންތަން ބަލާ ސަރުކާރު އޮފީސްތަކާއި ކުންފުނިތަކުގައި ފަސޭހައިން ނަމާދު ކުރެވޭނެ އިންތިޒާމް ހަމަޖެއްސެވުމުގެ މަސައްކަތް ފަށާފައިވާ ކަމަށް މިނިސްޓަރ އޮފް އިސްލާމިކް އެފެއާޒް އަޙްމަދު ޒާހިރު ޢަލީ ވިދާޅުވެއްޖެއެވެ.

މިނިސްޓަރ ވިދާޅުވީ “ސަރުކާރުގެ އޮފީސްތަކާއި، ސަރުކާރުގެ ކުންފުނިތަކުގެ ތެރެއިން، މުވައްޒަފުންނަށް ފަސޭހަކަމާއެކު، ނަމާދު ކުރެވޭނެ އިންތިޒާމް ހަމަޖެހިފައިނެތް ތަންތަން ބަލައި އެތަންތަނުގައި، ފަސޭހައިން ނަމާދު ކުރެވޭނެ އިންތިޒާމް ހަމަޖައްސާދިނުމުގެ މަސައްކަތް އިސްލާމިކް މިނިސްޓްރީން ފަށައިފި.” ކަމަށެވެ.

Sarukaaruge office thakaai, sarukaaruge kunfuni thakuge therein, muahzafun nah faseaha kamaai eku, namaadu kureveane inthizaam hama jehifai nei than balaa e than thanuga, faseaha in namaadu kureveanea inthizaam hama jahsaa dinumuge masahkai Islamic ministry in fashaifi.

— Ahmed Zahir Ali (@AhmedZahirAli) April 15, 2019

މިނިސްޓަރ ޓްވިޓާ އެކައުންޓް މެދުވެރިކޮށް ކުރެއްވި ޓްވީޓެއްގައި މަސައްކަތް ފެށި ވާހަކަ ހާމަކުރެއްވުމާއިއެކު އެކިފަރާތްތަކުން އެނިންމުމަށް ތަޢުރީފްކުރަމުންދެއެވެ.

އެގޮތުން މަޝްހޫރު ދީނީ ޢިލްމްވެރިޔާ ޑރ. މުޙައްމަދު އިޔާޒް ޢަބުދުލް ލަތީފް މިނިސްޓަރގެ ޓުވީޓް ރިޓްވީޓްކުރައްވާ ވަރަށް ރަގަޅު މަސައްކަތެއްގޮތުގައި ފާހަގަކޮށް ހެޔޮޖަޒާ ދެއްވުމަށްއެދި ދުޢާކުރެއްވިއެެވެ.

Masha Allah. v ragalhu masakkatheh. Jazaakallahu khaira @AhmedZahirAli

— Dr Mohamed Iyaz (@dr_iyaz) April 16, 2019