ކަންނެތްވުމަކީ އަޅުގަނޑުމެންގެ ތެރެއިން ވަރަށްގިނަ މީހުންނަށް ކުރިމަތިވެފައިވާ މައްސަލައެކެވެ. ކަންނެތްކަން ހަށިގަނޑުން ފިލުވާލައި މުރާލިމީހަކަށް ވުމަކީ ކުޑަ ހިތްވަރެއް ކޮށްލެވިއްޖެނަމަ ދާދި ފަސޭހަކަމެކެވެ. ފުރަތަމަ ދަނެގަންނަންވީ ކަންނެތްކުރުވާ ސަބަބުތަކެވެ.

މީހާ ކަންނެތް ކުރުވާ ތަފާތު ސަބަބުތައް ހުރެއެވެ. އޭގެތެރޭގައި:

✭ ތަފާތު ފާފަތަކަށް އަރައިގަތުން

✭ މަރު ހަނދާންކުރުން މަދުވުން އަދި ކަށްވަޅުގެ ޢަޛާބާއި ޘަވާބާއި އާޚިރަތުގެ މަތިން ހަދުމަކުރުން މަދުވުން

✭ ކީރިތި ޤުރުއާން ކިޔެވުން މަދުވުން

✭ ޛިކުރުތައް ކުރުމަށް ރައްކާތެރިނުވެވުން

✭ ކުރަންޖެހޭ ކަންކަން ފަހަށް ލަސްކުރުން

✭ ހެޔޮޢަމަލެއް ކުރުމުން ލިބޭ އަޖުރު އިޙްސާސްނުކުރެވުން

✭ ތިމާގެ ކުށެއް ނެތްކަމުގައި ދެކެވުން

✭ ހެޔޮ ނަޞޭޙަތަށް އެދި ނަޞޭޙަތް އަޑުއެނޭހުން އަދި ނަޞޭޙަތެއް ދިނުމުންވެސް އެއަށް ފުރަގަސް ދިނުން

ކަންނެތްކަން ފިލުވާލައި މުރާލި މީހަކަށް ވުމަށް ކުރެވިދާނެ ބައެއް ކަންކަން

❀ މާތް ﷲ އަށް އިޚްލާޞްތެރިވުން

❀ ކަންނެތްކަން ފިއްލަވާދެއްވުމަށް އެދި ދުޢާދެންނެވުން

❀ ހެޔޮ ޢަމަލުތައް ކުރުމަށާއި ނުބައި ޢަމަލުތަކުން ދުރުވުމަށް އަބަދުވެސް ތިމާގެ އަމިއްލަ ނަފްސާ ޖިހާދުކުރުން

❀ މާތް ﷲގެ ޛިކުރުކުރުން ގިނަކުރުން އަދި ޚާއްޞަކޮށް އެކަލާނގެ ކަލާމްފުޅު ކީރިތި ޤުރުއާން ކިޔެވުން ގިނަކުރުން

❀ ހެނދުނާއި ހަވީރުގެ ޛިކުރުތަކާއި އެހެނިހެން ޛިކުރުތަކަށް ރައްކާތެރިވުން

❀ ޢިލްމުވެރިންގެ މަޖިލިސްތަކުގައި ބައިވެރިވުމާއި ހެޔޮލާފާ ރަނގަޅު މީހުންނާއެކުގައިވުން

❀ ސަލަފުއްޞާލިޙުންގެ ދިރިއުޅުއްވުން އުނގެނި ދަސްކޮށް އެބޭކަލުންގެ ޢަޒުމާއި ހިތްވަރު ހުންނެވިގޮތް ބަލައި އެގޮތަށް ޢަމަލުކުރުން

މަތީގައިވާ ނުކުތާ ތަކަކީ فضيلة الشيخ الدكتور عبدالعزيز بن محمد بن عبدالله بن السدحان ލިޔުއްވާފައިވާ الدليل العلمي މިފޮތުން ނަގާފައިވާ މަޢުލޫމާތުތަކެކެވެ.