މުޖުތަމަޢު
ކާމިޔާބުގެ ތަޅުދަނޑި
ކާމިޔާބީގެ ސަބަބުތައް:
- ފައިދާހުރި ގޮތުގައި ވަގުތު ބޭނުން ކުރަން އެނގުން.
- ހެޔޮ ކަންކަމުގައި ކުރިއަށް ދިޔުމަށް ތިމާގެ ހިތް އަބަދުވެސް އެދުން.
- ކިތަންމެ އުނދަގޫތަކަކާއި ކުރިމަތިވި ކަމުގައި ވިޔަސް މަންޒިލާއި ހަމައަށް ދިއުން
- ކޮންމެ މަސައްކަތެއްގައި ވެސް ލަނޑުދަނޑި ފާހަގަކޮށް އެއަށް ވާޞިލުވެވޭނެ ގޮތްތައް ރާވާ ބެލުން
- ލަނޑުދަނޑިއާ ހަމައަށް ދިޔުމަށްޓަކައި ހަރުފަތަކަށްފަހު ހަރުފަތެއް ގިރާކުރުން
- ޙަޔާތުގައި ކާމިޔާބު ލިބިފައިވާ މީހުންގެ ޙަޔާތުން ޢިބްރަތް ހޯދުން.
- ހިތްނޭދޭ ކަމެއް ކުރަންއުޅުން ރަނގަޅުނުވާނެ، އަދި އެފަދަކަމެއް ކުރާނަމަ، ގިނަފަހަރު އެކަށީގެންވާ ނަތީޖާއެއް ނުނެރެވޭނެއެވެ.
ކާމިޔާބީ ހޯދާމީހުންގެ ޞިފަތައް:
- ހީއެއްގެ އުޞޫލުން ކޮންމެ ކަމެއްގައިވެސް އެކަމެއް އެތަކެއް ފަހަރު ތަކުރާރު ކުރުން.
- ރަނގަޅު ކަންކަމުގައި ފުރުޞަތު ހޯދާ ބެލުން.
- ކުރިއަށްދާ މަގުގައި ދިމާވާ ކަންކަމާ ކެތްތެރިވުން.
- އަމިއްލަ ކަންކަމުގައި ސިއްރު ހިފެހެއްޓުން.
- ކަމަކަށް ޢަޒުމް ކަނޑައަޅައިފިނަމަ ﷲ އަށް ވަކީލުކުރުން.
- ވަގުތު ސަލާމަތް ކުރުން.
ކާމިޔާބީ އެދޭމީހާ ދަންނާށެވެ!
- ކާމިޔާބަކީ ހަދިޔާއެއް ފަދައިން މީހަކު ދޭނެ އެއްޗެއް ނޫނެވެ. އަދި މަސައްކަތަކާއި ނުލައި ލިބޭނެ ޝަރަފެއްވެސް ނޫނެވެ. ކާމިޔާބާ ހަމައަށް ދާން ބޭނުްނނަމަ ގަދައަޅާ ހިތްަވރާއެކު މަސައްކަތް ކުރަންޖެހޭނެއެވެ.
- އިރު، ވައި، ފެން އަދި ވަގުތަކީވެސް ހުއްޓުމެއްނެތި ހިނގަ ހިނގާ ހުންނަ ތަކެއްޗެވެ. ވީމާ، އެއްވެސް މަސައްކަތެއް ނެތި ތިމާ ހުއްޓި ހުންނާނީ ކީއްވެގެން ހެއްޔެވެ؟
- ކާމިޔާބު ހޯދާ މީހުންނަށް ނޫނީ އެހެން މީހުންގެ އިޙްތިރާމެއް ނުލިބޭނެއެވެ.
- ކޮންމެ ކަމެއްގައިވެސް ﷲ އަށް ވަކީލުކޮށް ތިމާ އެކަމަށް މަސައްކަތް ކުރާށެވެ.
- ފައިދާއެއް ނެތް ގޮތެއްގައި ވަގުތު ނަގާ ނުލާށެވެ.
- ތިމާގެ ހަމަހިމޭންކަން ވިސްނުމަކަށް ހަދާށެވެ. ތަންތަން ބެލުމަކީ ޢިބްރަތް ޙާޞިލްކުރެވޭ ކަމެއްކަމުގައި ދެކޭށެވެ. ތިމާގެ ވާހަކަ ދެއްކުމަކީ ޛިކްރު ކުރުން ކަމުގައި ހަދާށެވެ.
- އެންމެ މިނެޓަކީވެސް ކިހާވަރެއްގެ އަގުހުރި އެއްޗެއްކަން ނުދަންނަނީނަމަ ތިމާއަކީ ކާމިޔާބީގެ މަގުގައި ކުރިއަށް ދެވޭނެ މީހެއް ނޫނެވެ.
- ޞާލިޙު އަޅުންގެ ސިޔަރަތާ ދޭތެރޭ ވިސްނާ ފިކުރުކުރުމާއި އެކު ކިޔުމަށް އާދަކުރުން.
- ޙަޔާތުގެ އެއްވެސް ވަގުތުކޮޅެއް ފައިދާނެތް ގޮތަކަށް ދޫ ނުކުރާށެވެ.
- ހޯދާފައިވާ ކާމިޔާބީއާ ބެހޭގޮތުން މީހުން ކައިރީގައި ވާހަކަ ނުދައްކާށެވެ.
- ތިމާގެ ދަރިންނަށް އަމިއްލައަށް އުޅެން ދަސްކޮށްދޭށެވެ.
- ގިނަގިނައިން ހީސަމާސާކޮށް ނުހަދާށެވެ.
- ހުރިހާ ކަމެއްގައިވެސް މާތް ﷲ އަށް އިތުބާރު ކުރާށެވެ.
